狗狗在花園裡

大家好！我是一隻新黎的狗，我主人係個豆丁，整下整下我就出世啦，佢仲整左好多花陪我，好開心呀！
不過......原來我只可以出現一陣，好快就會有把好恐怖的聲音出現：好啦！要去瞓覺啦，收埋D玩具啦。......就係咁樣，我就消失了，我想下次我會唔同左樣的啦，仲有D花......　Bye Bye 啦......

Here comes my Forest Cake

2nd Course --- Forest Cake!
同樣又一次Design矇丙，咁就不如將今次學左的花放哂落去啦！有點不負責任......

My Rose Cake

由七月開始，我報了一個Cake Decorating Course，共有3個Course，每個Course的最後一堂都會整一個Cake，這是我的第一個Rose Cake。大家認為如何？其實我就不大滿意，因為我實在是一個Design盲，手上已經做了六朵Rose，但都不知道如何將它們放上去，手足無措之際，仲要俾Miss催促要快點起貨。最後終於想起自己屋前屋後的花，就做了這個花盆Look。

阿女仲問：做咩個花盆會係個蛋糕到既？點放上去架？唔會壓爛個蛋糕的咩？不如快D攞番落黎啦！

何謂阿四

媽咪話：
“『阿四』，我想這是我畢生最貼切的一個稱號。
出生排行第四； 讀書最叻考個梗頸四；
長大在家做阿四； 出身社會做阿四；
結婚繼續做阿四； 對著個女就更加係阿四……
阿四……，睇黎一世也帶住佢周圍走。
　　　　且慢，不要以為我在怨什麼什麼，其實……
　　　　我愛『阿四』！因為我鍾意做『阿四』。
　　　　不過請放心，我並不是有自虐狂，只是因為我喜歡「人」。
通常阿四都可以．．．
接觸更多的人； 幫助更多的人； 看透更多的人；
體諒更多的人； 明白更多的人； 聆聽更多的人的心聲；
更多，更多．．．．．．
　　　　當然偶爾亦會．．．
　　　　被不同的人猜忌； 被不同的人責罵； 被不同的人誤會； 不被人體諒。
但，我相信阿四所面對和所經歷的，全部都是多姿多采的，花花碌碌的，
簡直就是令人羨慕！ ”
　　　　So, 媽咪，我永遠支持妳的阿四精神！！萬歲！！