昨晚，當我正在廚房洗菜的時候，在我身後有個小朋友不斷說：多做運動，身體健康，做多D，健康D，一二三，哎呀，D磁石阻住左，等我拎開先。說著，一路見她崩崩跳的，我只喚她小心點，不要弄傷自己，因女兒經常都會手按地上，雙腳向上跳呀跳的，所以我也不在意她在做什麼。
突然女兒大聲喚道：得啦！Dicky（家中的狗），你睇下，我真係好叻架，原來在雪櫃上也可做到這個動作，我在體操班就是做這些的。此時，不禁令我十分有興趣看看她在做什麼動作......
嘩！什麼？真係好叻喎！返左五堂體操班，就可以做個手倒立，真係都幾犀利喎！
可能因為我讚她，所以她還不斷的做了很多次，還跟我說：是我自己諗到在雪櫃上做的，係咪好犀利？說著，說著，她一路由廚房做到出走廊，實在忍不住要跟她拍個照。
第一張相，她還說：影啦，我會笑架啦！第二張，她說：我要做直D和做高D，好犀利呀，我真係好叻呀，好叻呀！
晚上給daddy看相片，daddy的反應：嘩！唔係話！
3 comments:
下次可以在馬鞍山示範一次給我看嗎?
馬鞍山就難小小，因小女話佢會怕羞的，等你大駕光臨我家的話，或者機會大D。
阿女愈來愈搞野呀，
失驚無神，做o的咁勁o既動作，
下次做都要睇住會安全o的o者！
Post a Comment