人生目標？

今天晚餐的時候有如此的對話......
Daddy：媽咪，我可唔可以食豆腐花呀？
Mommy：好啦，見你食哂D野，就俾你食啦！
Janice：媽咪，咁我呢......我有無得食呀？（樣子很擔心，因她有點頑皮)
Mommy：嗯...如果妳乖，可以將妳碗裡面的食物全部食哂，咁妳都有得食啦！
Janice：Yeah！放心啦！我會好快食哂D野架啦！（非常開心，而且比之前的動作快三倍）
Daddy：依？！睇黎有目標果然係唔同D， 正所謂認清目標，做事都快D，做人都開心D。
Janice：無錯！我會食快D，加油！加油！
Mommy：你又知目標係咩野？
Janice：我知呀，目標咪係豆腐花囉。
Daddy：萬歲！向著豆腐花進發！豆腐花就係人生目標啦！
結果Janice係一分鐘後就食完所有的食物......
Janice：Daddy，我都係唔食豆腐花啦，不如食雪條啦！
Mommy：人生目標？睇黎人生的目標都可以變得好快，真係發人心醒......