好友們都知道早前我曾睇過一個敏感(allergy)專科醫生，做了一個皮膚測試，發現原來我對很多食物都有敏感反應，醫生話要戒口至少半年，敏感的情況就有改善。
看著那些食物的類別，還以為戒口也不難，因我心想之前懷孕的時候也能將我心愛的食物戒掉；但......後來發現要戒口的食物牽連甚廣，就如不能吃蕃茄，不是說不能吃蕃茄這食物，是所有含有蕃茄成份的食物也不能吃；我連牛奶也不能吃，於是所牽連到的食物範疇實在太廣了，要完全戒口實在有點難度。
於是還是聽聽那位萬事通專家的意見：他說我之所以突然之間有這麼強烈的敏感反應，是因為我身體內的免疫系統對這些食物的防衛敏感度太強了，或者睇睇中醫，調理一下身體內部的問題，應該可以有幫助的，而且或者不用戒那麼多食物呢！
唉！其實之前呀K小姐也有建議我睇中醫，不過我是一個很怕煲中藥的人，我覺得好麻煩，又要睇緊D個火，如果唔係又可能會煲乾水，真係好麻煩。不過因為這次關係到個樣的問題，是關如果我戒口唔清的話，我面上又會起那些我厭惡的大毒瘡，麻煩就麻煩啦，那叫我貪靚嘛，無計！
猶記得一次舊同事聚會，一位同事的老公講起他原來一直有睇中醫調理身體的，而那中醫原來是在大埔的，我甚是疑惑，他住將軍澳，何解要到大埔這麼遠睇中醫？！不過他只告訴我他是不同的，有機會自己試試吧！
於是上週五和老公結伴去看看有甚麼了不起，一去到，伯伯就問：妳邊度架！有點嚇親，原來佢問我住邊度，跟住都不見得有甚麼特別，直到收到包藥......，就知道伯伯真的是「不同」的！大家睇相就見到，包藥仲大個頂Cap帽，成一斤重，要用18碗水煎成3碗，見到包藥時，我眼到大埋，呀伯就話：未見過呢，唔係到到都有架！
真大劑！今次果然大劑，重好甘添......
今日去覆診，自己兩斤，仲同老公執多兩斤，正所謂甘苦與同嘛！攞左幾斤野返黎，單車都頂唔住，條鏈都"nut"左，哈哈！真攪笑！
6 comments:
想問下你呢，那些生草藥使唔使得？我都想睇下，因為我Ｄ骨頭日日都在折磨我，痛得我無咩心情，攪到我想提早退休，但哎，煲藥真係一個困難。點解做人成日都咁辛苦0既?
其實煲藥都唔係好辛苦，因為兩個鐘左右就可以煲好，只不過需要有一個好大的煲。之但係我諗唔係個個都係咁大劑的，因為在我之前那位仁兄，好似係話失眠，佢D藥就好細一包，不過有好多包，大概有十包八包，所以唔睇過就真係唔知係咩料。
妳D骨頭成日咁痛，係咪應該好好攪攪佢。
你飲o左幾劑，除o左"好甘"之外，感覺如何呀？粒粒有減退跡象嗎？身體受得嗎？
可否跟我說說阿伯地址..我和V君都想看..
仲肥同我都要去看呀
阿伯的地址是：大埔墟東昌街九號地下，滿和土產百草葯舖
睇下邊個大劑D？！
Post a Comment